जळगाव शहराच्या सहकार क्षेत्रात आज एक नवा अध्याय लिहिला गेला आहे. बुलढाणा अर्बन को-ऑप. क्रेडिट सोसायटीच्या जळगाव खान्देश शाखेचा स्वमालकीच्या भव्य व दिमाखदार वास्तूत बुधवारी दिनांक २६ रोजी स्थलांतर सोहळा अत्यंत उत्साहात पार पडला.
बुलढाणा अर्बनचे संस्थापक अध्यक्ष राधेश्यामजी चांडक यांच्या शुभहस्ते या नव्या वास्तूचे उद्घाटन करण्यात आले. सहकार क्षेत्रातील विश्वासार्हतेचे प्रतीक असलेल्या बुलढाणा अर्बनच्या या नव्या टप्प्याचे साक्षीदार होण्यासाठी अनेक दिग्गज मान्यवर उपस्थित होते.
या सोहळ्याला प्रमुख उपस्थिती बुलढाणा अर्बन बँकेचे अध्यक्ष डॉ. सुकेशजी झंवर, आ. राजूमामा भोळे, आ. किशोर पाटील, माजी मंत्री गुलाबराव देवकर, पाचोरा एज्युकेशन सोसायटी चे चेअरमन सुभाषजी तोतला हे उपस्थित होते.
नव्या स्वमालकीच्या वास्तूमुळे आता ग्राहकांना मिळणार आहे अधिक प्रशस्त वातावरण, आधुनिक बँकिंग सेवा आणि तत्पर ग्राहक सेवा. बुलढाणा अर्बनने नेहमीच ग्राहकांच्या विश्वासाला प्राधान्य दिले असून, ही नवी वास्तू संस्थेच्या प्रगतीतील एक महत्त्वाचा मैलाचा दगड ठरली आहे.
